წარმატებული მოდელი რომ გახდე, სილამაზე მთავარი არ ყოფილა, ყოველ შემთხვევაში - ახალ ქართულ კომედიურ მელოდრამაში ასეა: საყვარელ ქალთან დაახლოების მიზნით, წარმატებული, მდიდარი მამაკაცი ქალის სამოსს იცვამს და იმ სააგენტოში მიდის, სადაც მისი სიყვარულის ობიექტი მუშაობს. წარმატებას სამოდელო ბიზნესშიც აღწევს და საბოლოოდ - სიყვარულშიც... რეჟისორმა გიგა აგლაძემ ახალ ფილმში ბევრი ცნობილი ადამიანი ჩართო და ყველა მათგანს თავისი ნამდვილი სახელი "შეუნარჩუნა". როგორც შემოქმედებითი ჯგუფის წევრები გვპირდებიან, ფილმის ნახვისას მაყურებელი ძალიან ბევრს იცინებს.